Ministrja e Financave dhe Ekonomisë, Anila Denaj, deputetja e PS, Lindita Nikolla, përfaqësuesi i Komitetit Ndërministror,Etjen Xhafaj dhe kryetarja e Bashkisë Kurbin, Majlinda Shqalsi kanë vizituar sot familjet e prekura nga tërmeti i 26 nëntorit në zonën e Laçit.
Denaj shprehet se “në këto ditë të vështira për shumë qytetarë të prekur dhe të dëmtuar nga tërmeti i 26 Nëntorit, vëmendja dhe mbështetja e duhur është e nevojshme. Në zonat rurale gjetja e zgjidhjeve bëhet edhe më komplekse për vetë lidhjen me token”.
Gjatë bashkëbisedimit me banorët, Denaj ka shprehur mbështetjen me bonus qeraje të banorëve të zonës së Laçit që iu janë prishur banesat.
“I përcolla kryetares së bashkisë mbështetjen e qeverisë për procedura të përshpejtuara të procesit të “bonusit të qerave” që do t’u vihet në dispozicion, si dhe mbështetje shtabit të qarkut Lezhë për çdo nevojë”, ka bërë të ditur ministrja Denaj.
Grupet e shpërndara në gjithë territorin, vazhdojnë inspektimet në pallate, shtëpia private në zonat rurale, institucione arsimore dhe të kultit.
/a.r
