Një mjek nga Utah ka ngritur padi ndaj aktores së njohur nga Hollyëoodi, Gëyneth Paltroë.
Ai e akuzon aktoren 46 vjeçare se ka marrë lëndime serioze pasi ajo e ka “goditur” aksidentalisht në resortin “Park City” për skijim në vitin 2016 dhe tani kërkon dëmshpërblim në shumë prej 3.1 milionë dollarë, shkruan Daily Mail.
Në akuzën e Terry Sandersonit, i cili e ka ngritur sot, shkruan se Paltrow ishte duke skijuar me një instruktor në Deer Valley dhe kur ajo humbi kontrollin është përplasur me të nga mbrapa, transmeton Koha.net.
“Dëgjova një britmë histerike dhe menjëherë u godita në shpinë”, ka thënë Sanderson në një konferencë për shtyp.Pastaj, Paltrow është ngritur dhe ka vazhduar të skijojë, thuhet në akuzë, pa e kontrolluar fare Sandersonin ose i dhënë ndonjë ndihmë.
Po ashtu, Sanderson thotë se më pas instruktori i ka thënë se incidenti ishte për shkak të tij dhe është larguar edhe ai.Gjithashtu, në akuzë Sanderson thotë se as aktorja e as instruktori i saj nuk e njoftuan patrullën e skive pasi e braktisën dhe ai ka mbetur i bllokuar dhe i vetëm me një dëmtim në tru dhe katër brinja të thyera në një anë të malit.
Përfaqësuesit e Paltrow-it hodhën poshtë këtë akuzë si “pa meritë” dhe thanë se klientja e tyre pritet të shpallet “e pafajshme” në këtë rast, përcjell Koha.net.
Ndërsa avokatët e saj kanë deklaruar se Paltroë ishte duke skijuar në pistën tatëpjete në momentin e përplasjes, që nënkupton se ajo ishte në rrugën e drejtë, përgatiti Koha. (b.an)
