Disa anëtarë të lartë të Partisë opozitare Demokrate u mblodhën dje në mbrëmje në Uashington kundër dekretit ekzekutiv të diskutueshëm të presidentit amerikan, Donald Trump për imigracionin.
Ata u zotuan të ngadalësojnë votimin konfirmues të kandidatëve të kabinetit dhe të përqendrojnë vëmendjen te urdhri ekzekutiv, që ka shkaktuar një protestë globale.
Udhëheqësi i pakicës në Senat, Chuck Schumer tha për qindra persona, të cilët ishin mbledhur në tubim para Gjykatës Supreme se urdhri ishte kundër çdo gjëje për të cilën Amerika lufton.
“Urdhri i Trumpit për ndalimin e përkohshëm të imigrantëve nga shtatë vendet me shumicë myslimane dhe të refugjatëve nga çdo vend tjetër është çnjerëzor për një vend që ka qenë një pishtar për popujt e shtypur në të gjithë botën”, tha ai./b.d
