Shit-blerja e votës; presioni ndaj zgjedhësve; përdorimi i parave nga burime të paqarta në ndikim të procesit elektorale dhe marrja e bllokimi i kartave përkundrejt shpërblimit monetar me qëllim heqjen e së drejtës për të votuar.
Këto ishin pikat kryesore të disktuimit në takimin që Ministri i Punëve të Brendshme Dritan Demiraj zhvilloi me drejtuesit vendorë të 12 qarqeve dhe drejtuesit kryesorë të Policisë në Drejtorinë e Plicisë së Shtetit. Demiraj kërkoi marrje e masave konkrete në parandalimin dhe evidentimin e personave dhe grupeve kriminale në drejtim të shqetësimeve të ngritura për procesin zgjedhor në Shqipëri.
Drejtori i Përgjithshëm i Policisë së Shtetit Haki Çako, 12 drejtorë vendorë të Policisë në qarqe, drejtori i për Hetimin e Krimin Ekonomik e Financiar dhe Drejtori për Sigurinë Publike në Drejtorinë e Përgjithshme të Policisë së Shtetit raportuan konkretisht evidentimin e të gjithë rasteve konkrete të shit-blerjes së votës, krimeve të tjera elektorale dhe planin e masave për javën e fundit të fushatës zgjedhore ku shtohen aktet e blerjes së votës dhe krimet elektorale.
Po ashtu rëndësi iu dha plani i masave për të papriturat para, gjatë dhe pas ditës së zgjedhjeve.
Ministri i Punëve të Brendshme Dritan Demiraj kërkoi nga Policia e Shtetit përmbushjen e të gjitha përgjegjësive ligjore që i jep ligji dhe nuk është e nuk do të jetë e toleruar mbështetja e subjekteve politike nga efektivë me uniformë. Çdo tolerim ndaj këtij fenomeni do të penalizohet rreptësisht. I gjithë zinxhiri drejtues i policisë së shtetit do të mbajë përgjegjësi sipas përcaktimeve të ligjit.
Ministri i Punëve të Brendshme Dritan Demiraj vlerësoi rezultatet e policisë së Shtetit në luftën ndaj kultivimit dhe trafikimit të lëndëve narkotike.
Zv/ministrja e Punëve të Brendshme Rovena Voda, e cila drejton Task-Forcen Qendrore në kuadër të Planit kombëtar antikanabis shprehu mirënjohje për punën në këtë drejtim dhe kërkoi një angazhim të gjithanshëm./a.m.
