Demi Moore foli për betejën e vazhdueshme të Bruce Willis me demencën, megjithëse disa nga komentet e saj shkaktuan habi.
62-vjeçarja foli në një intervistë me CNN për betejën e vazhdueshme shëndetësore që po kalon ish-bashkëshorti i saj.
Willis u diagnostikua me afazi në mars 2022 dhe që atëherë është tërhequr nga syri i publikut. Moore tha se Bruce është në një vend të qëndrueshëm në këtë kohë dhe i kërkoi kujtdo që duhet të merret me dikë me demencë ta bëjë këtë me dashuri dhe gëzim.
“Duke pasur parasysh të dhënat, ai është në një vend shumë të qëndrueshëm për momentin”, tha Moore për CNN. “Dhe e kam ndarë këtë më parë, por me të vërtetë e kam fjalën kaq sinqerisht. Është kaq e rëndësishme për këdo që merret me këtë që t’i takojë vërtet aty ku janë, dhe nga ai vend, ka kaq dashuri dhe gëzim.”
Ajo gjithashtu shtoi se të shikosh një të dashur duke luftuar me këtë gjendje është shumë e vështirë dhe është diçka që s’do t’ia uronte askujt.
Moore gjithashtu vuri në dukje anët pozitive që kanë ardhur nga kjo betejë duke thënë:
“Ka humbje të mëdha, por ka edhe bukuri dhe dhurata të mëdha që mund të vijnë prej saj”.
Kjo deklaratë e aktores ka shkaktuar polemika në rrjet se si ajo mund ta quajë dhuratë një sëmundje të tillë.
Moore u martua me Willis në vitin 1987 para se të ndahej në vitin 2000. Ata kanë tre vajza – Rumer, 36 vjeç, Scout, 33 dhe Tallulah, 30 vjeç.
Pas divorcit nga Moore, Willis u martua me Emma Heming Willis në vitin 2009 dhe ata kanë dy vajza së bashku: Mable, 12 vjeç dhe Evelyn, 10 vjeç.
/S.T
