Mund të duket si një aventurë, por në fakt është një eksperiment. Një profesor ka lënë të lirë një dem në një fushë ku ishin rreshtuar studentët e tij.
Qëllimi i këtij eksperimenti ishte që të provohej se nëse demin nuk e ngacmojnë apo provokojnë, ai nuk sulmon.
Nuk dihet me saktësi ku është filmuar kjo video, por fillimisht, ajo është shfaqur në faqen e blogerit spanjoll Salvador Raya dhe është klikuar mbi 14 milionë herë.
Pamjet tregojnë një grup prej 40 studentësh, të ndarë në tre rreshta. Në to shihet demi, i cili futet nëpër rreshta, por pa ngacmuar njeri, transmeton Shekulli.
Duket se më shumë sesa nga ngjyra e kuqe, demi provokohet nga lëvizjet, pasi në mesin e studentëve disa mbajnë bluza të kuqe, por kafsha nuk sulmon asnjë prej tyre, pasi ata rrinë pa lëvizur.
Express/d.i.
