Tërmeti i 26 nëntorit ka nxjerrë jashtë funksioni edhe disa godina shtetërore. Sipas mediave informative, godina e prokurorisë së Kurbinit ka pësuar dëmtime të shumta.
Mësohet se objekti shtesë që i është bashkëngjitur godinës ekzistuese ka pësuar çarje të dukshme dhe është shkëputur nga pjesa tjetër e godinës.
Objekti shtesë ju bashkëngjit godinës gjate rikstruksionit në vitet 2004-2005.
Por objekti shtesë, që siç duket është ndërtuar pa zbatuar kriteret teknike, është shkëputur pas tërmetit që goditi vendin më 26 nëntor. Pavarësisht situatës së krijuar, drejtuesi i Prokurorisë nuk ka marrë asnjë masë.
Në mesin e objekteve të dëmtuara është përfshirë edhe bashkia e Kurbinit. Kësaj të fundit i është vendosur perimetri i sigurisë pas verifikimit të ekspertëve. /e.s/
