Delevigne shokuese! “Moda më bëri të urrej trupin tim”
Cara Delevigne, modelja 23 vjeçare e famshme në mbarë botën, i tha lamtumirë pasarelave të modës në një moshë që shumëkush e konsideron të re. Deklaratat e saj të fundit kanë hedhur dritë mbi arsyet e largimit nga bota e “fashion” kaq herët. Në një intervistë për “Times” Delevigne thotë se ritmet e punës në botën e modës janë të larta e plot stres.
Ajo thotë se ishte vazhdimisht në udhëtim dhe kjo ishte jashtë mase e lodhshme. Aq sa në një moment të caktuar “arrita të urrej trupin tim, pamjen time”, thotë Delevigne. Pa i bërë dredha detajeve të sikletshne, ajo thotë se për shkak të stresit, shpesh lëkura e saj mbushej me puçra dhe acarohej, aq sa kjo i dëmtonte daljet në skenë. Nga ana tjetër, për herë të parë ajo rrëfen sesi në moshën 15 vjeçare, ju desh të bashkëjetojë me problemet e drogës që kishte nëna e saj Pandora, e cila u dha pas heroinës. “Më kapi një depresion i thellë në atë moshë të njomë, aq sa kishte momente që doja t’i bija me kokë trungut të ndonjë peme, vetëm që të harroja atë që po jetoja”.
