Përmes një postimi në rrjetin social, Delegacioni i BE-së në kryeqytet i ka bërë thirrje shqiptarëve që të aplikojnë në komisionet e rivlerësimit, që do të ngrihen në kuadër të funksionimit të Vettingut. Bëhet fjalë për të qenë pjesë e komisionit të rivlerësimit dhe i kolegjit të apelimit, dy institucionet që lindin me Vettingun ndaj gjyqtarëve e prokurorëve.
“Delegacioni i BE i bën thirrje shqiptarëve të kualifikuar të aplikojnë për të shërbyer në Komisionet e Rivlerësimit”- shkruan BE.
Më herët edhe ambasada e SHBA-ve ka bërë thirrje drejtuar qytetarëve të kualifikuar dhe të interesuar për të pastruar sistemin e drejtëisë, që të marrin pjesë dhe aplikojnë për një post në komisionet e Vettingut.
“U bëjmë thirrje shqiptarëve patriotë të kualifikuar që të aplikojnë për të shërbyer në Komisionet e Vetingut”, do të shkruante ambasadori Donald Lu.
Hollësitë dhe kërkesat për të aplikuar dhe qenë pjesë e këtyre instancave mund t’i gjeni në këtu/java/a.k
