Del pas rreth 5 orësh nga komisariati i policisë së Durrësit, Leonard Koka, vëllai i ministrit të mjedisit, Lefter Kokës. Leonard Koka u shoqërua rreth orës 13:15 në policinë e Durrësit për “kundërshtim të forcave të policisë”
Mësohet se shkak i shoqërimit është bërë konflikti i djalit të tij me një punonjës policie, pas një gjobe.
Ai është gjobitur nga policia rrugore për një kundravajtje rrugore. Pasi ka marrë vesh për shoqerimin e djalit, Leonard Koka ka shkuar vetë në polici,per ti dalë në mbrojtje të të birit duke u konfliktuar verbalisht me policët e rrugores.
Kjo ka bërë që blutë ta shoqërojnë atë, së bashku me të birin, në komisariatin e policisë së Durrësit për kundërshtim të forcave të rendit. Megjithate pritet nje komunikate zyrtare per te sqaruar plotesisht ngjarjen.
Leonard Koka është vëllai i ministrit të mjedisit, Lefter Koka. Leonard Koka njihet edhe si personi që ndërmjetësoi marrëvëshjen mes PS-së dhe LSI-së 4 vjet më parë.
a.ç
