Është liruar këtë të premte nga Burgu Valter Lavitola, i dënuar me 5 vite burgim nën akuzën e bashkëpunimit me ish Kryeministrin Silvio Berlusconi, për blerjen e famshme të senatorëve italianë, veprim që solli dhe rënine e qeverisë së Prodit në vitin 2008.
Pas dy vitesh burg, ish drejtuesi i gazetës Avanti Lavitola, u lirua për ta vijuar dënimin e tij në arrest shtëpie.
Në atë kohë, gazeta La Republica zbardhi disa pjesë të përgjimeve telefonike të aktiviteteve që kryente Lavitola, një biznesmen mjaft i afërt me Berlusconin. Në njërën nga telefonatat, përmendej emri i Ilir Metës, në atë periudhë (2009) zvKryeministër dhe Ministër i Jashtëm i vendit.
Pretendohej se Lavitola kishte insistuar tek sekretarja e Ministrit të Jashtëm italian të asaj kohe Frattini, që ai të kishte një takim me Ilir Metën, teksa ky ishte në vizitë zyrtare në Romë, për të folur për projekte energjie.
