Një një moment delikat politik në vend, kreu i Partisë Agrare, Agron Duka, thotë se duhet zgjedhur Fatos Nano si president.
Sipas Dukës, Nano do të ndikonte në zgjidhjen e krizave politike.
“Nëse Rama dhe Meta do të propozonin Nanon unë do ta votoja. Nuk e kam fshehur kurrë simpatinë dhe respektin që kam për Nanon.
Unë e gjykoj si një figurë bipartizane mbi të cilin palët mund të gjejnë një dakordësi. Cilësitë e tij politike nuk mohohen dot nga askush, as eksperienca dhe kontributi i tij në jetën politike të Shqipërisë.
Ka qenë lideri i parë që ka mundësuar rotacionin paqësor të pushtetit pas humbjeve të zgjedhjeve, një akt civilizues që normalizoi raportin e politikanëve me pushtetin.
Në këtë moment zgjidhja e tij do t’i jepte një hov tjetër institucionit të Presidentit, ai do të ishte një zë i fuqishëm në zgjidhjen e krizave politike të vendit”, thotë Agron Duka për Mapo./a.m.
