Jahti më i madh i botës ka dalë sot në det nga kantieri detar në Kiel të Gjermanisë, ku është prodhuar.
“Sailing Yacht A” i përket miliarderit rus Andrey Igorevich Melnichenko, i cili thuhet se ka paguar 450 milionë dollarë. Jahti, me gjatësi 143 metra, ka tre direkë me gjatësi 90 metra, më të lartë se kulla e Big Ben në Londër. Direkët, të cilët do të vihen në përdorime me vela javën e ardhshme, janë prodhuar në Portsmouth dhe janë transportuar në Kiel, ku është dashur një rimorkiator për ta nxjerrë jahtin nga porti.
Ky është jahti i dytë i rusit, i cili në shtator habiti londinezët me Motor Yacht A, teksa lundroi në lumin Tamiz.
Melnichenko ka edhe një avion Boeing 747, por duket se tani është i dashuruar me mjetet lundrues. Ai ka një pasuri prej 10.2 miliardë dollarë dhe do ta marrë mbrapsht një pjesë të parave të paguar për jahtin, pasi do të licensojë teknologjinë e përdorur për aplikime komerciale.
Sailing Yacht A ka tetë kate, me një vend për uljen e helikopterit dhe një dhomë për të parë nën ujë. Ai mban 20 persona, plus ekipazhin prej 54 vetësh. Jahti është dizenjuar nga francezi Philippe Starck.
DailyMail/d.i.
