Çarja e enës kryesore të gjakut që furnizon shpretkën është shkaku i vdekjes së Aida Çajkës, gruas shtatzënë që vdiq bashkë me foshnjen e palindur në maternitetin “Koço Gliozheni” në Tiranë. Ky është përfundimi i ekspertizës së bërë nga Mjekësia Ligjore, e cila sot ka njoftuar edhe shkakun e vdekjes.
Sipas ekspertizës, Aida Çajka vdiq nga çarja e enëve të gjakut që bënin furnizimin e shpretkës. Fation Omuri, vëllai i saj, pas vdekjes tha se përgjegjës për vdekjen e Aidës dhe foshnjës janë mjekët e tri spitaleve, ku ajo u sorollat për gjashtë orë derisa humbi jetën. Fationi hodhi akuza të rënda edhe mbi qendrën e koordinimit. Për ngjarjen u arrestuan dy mjekë dhe një infermier, por më pas u lanë të lirë.
ma.me
