Deputeti demokrat Oerd Bylykbashi dorëzoi sot në kuvend amendamentin për dekriminalizimin. Sipas Bylykbashit nëse një deputet ka rekorde kriminale, humb mandatin sipas amendamentit të dorëzuar nga PD.
“Jo më të inkriminuar në politikë. “, tha deputeti demokrat
Sa i përket kandidatëve të 21 qershorit Bylykbashi tha se jemi akoma në kohë për të parandaluar kandidatë me rekorde kriminale dhe se projekt-ligji i PD është mbështetur në standartet më të larta ndërkombëtare. Jemi bazuar ne modelin me te mire amerikan dhe britanik tha deputeti Bylykbashi para mediave.
“Kodi zgjedhor të ketë rregulla të forta, pasi koha është e mjaftueshme për të mos patur kandidatë me rekorde kriminale, ndaj ky projekt-ligj duhet votuar unanimisht”, tha Bylykbashi.
