Kryetari i Kuvendit, Ilir Meta ka nxjerrë urdhrin për caktimin strukturës së posaçme, pranë të cilës do të dorëzohen dhe administrohen formularët e vetëdeklarimit të zyrtarëve të zgjedhur, në kuadër të direktivave që rrjedhin nga ligji i njohur si “dekriminalizimi”.
Lajmin e bën të ditur zyra e shtypit pranë Kuvendit, e cila saktëson se, në kuadër të të njëjtave direktiva ky institucion ka hartuar dhe publikuar në faqen zyrtare të tij regjistrin për vetëdeklarimin, që përfshin mes të tjerësh edhe titullarët e funksionarët e organeve kushtetuese.
Për këtë qëllim, kryetari i Kuvendit, Meta priti këtë të hënë në një takim kryeprokurorin Adriatik Llalla, me të cilin bisedoi mbi vijimin e procesit të zbatimit të këtij ligji dhe konkretisht për përgjegjësinë që ka Prokuroria e Përgjithshme për administrimin e vetëdeklarimeve. TCh
