Këshilli për Rregulloren, Mandatet dhe Imunitetin, nuk arriti të mërkurën në mbrëmje të gjejë konsensus për miratimin e akteve nënligjore të ligjit për dekriminalizimin e politikës, që pritej të miratoheshin në seancën e sotme të Kuvendit.
Pas rreth katër ore diskutimesh u ra dakord që për cështjet ku palët kanë qëndrime të ndryshme, të vijojë shqyrtimi paraditen e sotme. Ajo që i ndante maxhorancen dhe opozitën ishte formulari i vetëdeklarimit, ku sipas opozitës janë disa pika që mund të çojnë në dështimin e ligjit për dekriminalizimin.
Përfaqësuesi i shumicës deputeti Taulant Balla foli për dy modelet e propozuara prej saj, që sic tha ai janë gërmë për germë sipas përcaktimit në ligj. Ndërsa përfaqësuesi i PD-se, Oerd Bylykbashi paraqiti dy formularë vetëdeklarimi.
Kryetari i Kuvendit Ilir Meta, nga ana e tij, tha se nuk i ka humbur shpresat që palët te gjejne konsensus diten e sotme.
