Update/ Ora 11: 30 Seancsa plenare ka ndaluar momentalisht për ti hapur rrugën mbledhjes së grupit parlamentar të Partisë Demokratike. Nga ana tjetër, me votat e maxhorancës, është miratuar propozimi i PS-së për futjen në rendin e ditës të akteve nënligjore të ligjit për dekriminalizimin, akte të cilat po debatohet dhe diskutohen nga palët në kryesinë e kuvendit, me qëllim arritjen e një konsensusi për formatin e tyre.
Kryeparlamentari Ilir Meta gjithashtu tha se fjala në parlament e përfaqësueses së lartë të BE-së Federica Mogherini e parashikuar ditën e nesërme, do të zhvillohet sot në orën 19:00.
…….
Kryetari i Grupit të Deputetëve të Partisë Demokratike Edi Paloka, kërkoi në nisje të seancës parlamentare shtyrje të seancës deri në mbylljen e negociatave mes palëve për të gjetur konensus për aktet nënligjore për dekriminalizimin.
Paloka tha se duhet pritur konkluzioni i negociatave për të mbajtur një qëndirm të caktuar mbi këto akte. Paloka tha se nuk mund të zhvillohet seanca pas u mbyllur negociatat.
“Siç e dini edhe ju nëmomentet që ne jemi në sallë, për aktet nënligjore që sapo përmendët po bëhen negociata. Në emër të grupit të PD ju kërkoj që në të mirë të Parlamentit, zhvillimit normal të seancës, të presim deri sa të mbyllen negociatat, për të dalë në një konkluzion më të qartë mbi qëndrimin për aktet nënligjore të ligjit të Dekriminalizimit. Gjatë kësaj kohe ne do të zhvillojmë një mbledhje të grupit të PD”, tha Paloka.
Kreu i grupit parlamentar të PS Gramoz Ruçi tha se është pro propozimit të PD-së por gjykon se seanca duhet të vijojë me pikat e tjera të rendit të ditës, dhe të pritet që nëse ka një dakortësi për aktet nënligjore të dekriminalizimit ato të vijnë dhe të miratohen.
“Zoti kryetar kërkesën ne e kemi bër në zbatim të ligjit, data 6 është sa afër edhe larg. Por kjo nuk e përjashton, përkundrazi unë do të nëvizoja përpjekjet e komisionit përkatës të zhvilluara deri në orët e mbrëmjes së djeshme. Në dijeninë time procesi ka ecur dhe është dakortësuar, kanë mbetur vetëm 3-4 gjëra. Ne jemi dakort që komisioni të vazhdojë me pikësynimin që të arrihet sot zgjidhja, por cështja është që ne të mos bëhemi pengesë.
Unë do të isha dakort me çfarë parashtroi Paloka dhe ju, që të vazhdojë negociata. Nëse arrihet sot, dakortësohet sot dhe i votojmë po sot, dhe nëse nuk arrihet dakortësimi të vijohet ditën e nesërme.
