Javanews/ Pas përfundimit të fazës së parë të ligjit për dekriminalizimin, atë të dorëzimit të formularëve të vetëdeklarimit, së shpejti do të nisë faza e dytë, ajo e gjetjes së “gënjeshtarëve”.
16 në total do të jenë institucionet të cilat do të verifikojnë nëse zyrtarët apo politikanët kanë gënjyer në formularët që kanë dorëzuar. Nëse kjo gjë verifikohet, atëherë “gënjeshtari” do të largohet nga detyra apo funksioni që ai kryen.
Prokuroria është i vetmi institucion, që sipas ligjit, edhe pse është i dorës së dytë kur vjen çështja tek verifikimi i formularëve, përsëri rezervon të drejtën që në rastet kur ka dyshime, të mund të hetojë zyrtarët dhe deklarimet e tyre. Në organin e akuzës tashmë është ngritur gjithashtu edhe grupi i posaçëm që do të merret ekzkluzivisht me këtë çështje.
Por kush janë institucionet që janë ngarkuar me ligj dhe kë do të verifikojnë ato?!
KQZ– verifikon deklaratat e deputetëve dhe kryetarëve të Bashkive;
DAP– merret me verifikimin e punonjësve të administratës;
Kuvendi– do të verifikojë drejtuesit e institucioneve që emërohen nga parlamenti;
KLD– verifikon gjyqtarët dhe prokurorët e vendit;
Presidenca– vë në sitë të gjithë ambsadorët e vendit, kreun e SHISH, atë të Akademisë së Shkencave, drejtuesin e Shtabit të Përgjithshëm si dhe funksionarët e tjerë të emëruar nga ky isntitucion;
Kryeministri- verifikon edhe ai kreun e SHISH, drejtorin e Policisë së Shtetit, Zv/Kryeministrin etj.
