Në intervistën e dhënë për revistën JAVA dy javë më parë, ambasadori amerikan dha këtë përgjigje, kur u pyet se çfarë do të zbulonin ambasadorët e huaj në 13 maj (data kur pritej të dilte një listë me emrat e kandidatëve të inkriminuar):
“…Kemi hulumtuar historitë kriminale të kandidatëve për zgjedhjet vendore. Ne e kemi ndarë këtë informacion me kryetarët e partive politike, me kërkesën që ata ta verifikojnë këtë informacion dhe të ndërmarrin veprime. Ata kanë hequr disa prej këtyre emrave nga listat e kandidatëve dhe shpresojmë që do të heqin më shumë.”
Kjo deklaratë e thotë qartë atë që ka ndodhur: listat e të padëshëruarve ndodhen në selitë e politikës. Topi është në fushën e tyre, sipas ambasadorit të SHBA.
