Në seancën plenare fokusi i diskutimeve është projekligji për dekriminalizimin, i cili pritet të votohet këtë të enjte. I miratuar me konsensus javën e kaluar nga dy palët kryesore politike, këtë të enjte pritet që debatet të zhvendosen tek testi i drogës, pasi ditën e djeshme PD solli dy amendamente për këtë projekligj që kishin të bënin me testin e drogës.
Deputeti i LSI, njëkoësisht dhe njëri ndër anëtarët e komisionit të posaçëm për dekriminalizimin tha se opozita po tenton të zvarrisë miratimin dhe votimin e projektligjit përmes testit të drogës.
“Mjaft me gjëra që nuk i vlejnë këtij procesi. Kërkesa për të sjellë në vëmendje edhe njëherë testin e drogës, do ta cilësoja si një taktikë politike të dobët. E shoh pa vend tendencën pë të zgjatur farsën e diskutimeve dhe turavrapin për të marrë përsipër autorësinë për kapital politik dhe akuzat e llumi që do të hidhen sot. Kemi përfunduar një proces të rëndësishëm dhe historik. Qëndrimi pa sens, i papërgjegjshëm dhe kërkesa për të sjellë përsëri në vëmendje, diskutuan për votim amendamentet teksti drogës nuk janë normale. Do ta konsideroja këtë synim si zvarritje, loja mizerabël, ndërkohë që ky kaptiull është mbyllur njëherë e mirë në komisionin e posaçëm”,- tha Braho.
Më herët deputeti i PD Eduard Halimi tha se dekriminalizimi është një arritje e opozitës dhe se testi i drogës, nëse nuk miratohet do të nxjerrë në pah mazhorancën dhe lidhjet e saj me krimin dhe lënëdët narkotike. Halimi theksoi edhe njëherë se nëse rezulton se asnjë anëtar i mazhorancës nuk rezulton të jetë përdorues droge, do të kërkohet falje publike për të gjitha akuzat.
“Qytetaret duan te dine pse nuk e beni testin e droges? Nese ne e themi eja ta bejme dhe ju refuzoni, ne kete histori keq e me keq dilni ju, sepse nuk keni argument. Nese thoni se nuk keni perdorues, dakorde, ejani ta bejme. PD ka deklaruar se do kerkoje falje publike per secilin prej atyre qe e ka kauzuar politikisht. Ne ket rast dilni ju te fituar. Nese thoni po, ka nga ne qe e perdorin por kjo nuk perben problem, une them se ka problem, e para sepse marrja e blerja e lendeve narkotike behet ne menyre kriminale, dhe e kam te pamundur te pranoj qe kryeminister, apo minister te kem njerez qe ushqejene krimin e organizuar ne Shqiperi. E dyta po ashtu e kam te pamundur qe te pranoj se vendimet per vendin, per te ardhmen e femijve te mi, te merren ne subkoshienen e njerezve teresisht te kontaminuar nga drogat e forta. Modelet jane pafund, sic ishin per shenjat e gishtave qe e mbajtet peng per kaq muaj, nga Europa e deri ne shtetet e Bashkuara. Por serish refuzimi ju nxjerr juve keq tek qytetaret.” Tha Halimi.
