Presidenti Ilir Meta i pyetur në lidhje me vendimin e presidentit për të dekretuar Sandër Lleshin si ministër të ri të Brendshëm, Presidenti është shprehur ne studion e syri.net se do të marrë kohën e duhur.
“Do gjej kohën e duhur, për të marrë vendimin e duhur. Presidenti ka për detyrë për të ushtruar të gjitha detyrimet kushtetuese për çdo propozim që i bëhet. Nuk mund të hedh firmë për dekrete formale e aq më tepër për një detyrë të tillë që në momentin aktual, kërkon përgjegjshmëri. Di të marr vendimet e mua, pa u ndikuar nga askush, as nga orët dhe sekondat. Kushtetuta është shumë e qartë, presidenti ka përgjegjësi për çdo firmë që hedh. U’a kam thënë të qartë kam bërë punën time institucionale, kam bërë përpjekjet e mia, kam qenë mjaft bashkëpunues me institucionet dhe personat e interesuar për këtë çështja, dhe unë i marr vendimet e mia pa i ndikuar nga askush. Më duket se Kushtetuta është shumë e qartë, presidenti ka përgjegjësi për çdo firmë që hedh. Nëse do të kishte firmë unë atë nuk do ta lija për ta shpallur në studion tua, do ta kisha bërë atë publike’, tha presidenti Ilir Meta.
Meta për Saimir Tahirin: Delinkuent!
Presidenti Ilir Meta e quajti ish-ministrin Tahiri një delinkuent qe “mbyti Europen me droge”. ‘Nuk mund ti shmangem të gjithë pyetjeve tuaja. Por ç’koment mund të kem unë për një delikuent që mbyti me drogë jo vetëm Shqipërinë, por gjithë Europën’.
Meta është shprehur se nuk do ta kishte bërë kurrë ministër të Brendshëm një person të tillë.
‘Nuk dëshiroj të vazhdoj më me këtë çështje, besoj se e dhashë një përgjigje shteruese, e cila nuk më shkarkon dhe mua nga përgjegjësia për të kaluarën time. Një nga përgjegjësitë e mia është që një person i tillë nuk duhet të ishte bërë kurrë Ministër i Brendshëm dhe unë e kisha të gjithë mundësinë. Por me këmbënguljen e kryeministrit ai u bë Ministër i Brendshëm. Kjo nuk është fare e vërtetë e dinë vetë ata pse e kanë shkarkuar’, u shpreh presidenti
Dorëheqja e Fatmir Xhafajt/ Meta: E ka gjykuar se kështu është më mirë
Presidenti Ilir Meta është shprehur se, dorëheqja e Famtir Xhafajt nga posti i Ministrit të Brendshëm, s’ka vend për investigime. I pyetur në emisionin “Fakt” lidhur me këtë, kreu i shtetit tha se, “s’ka vend për tu bërë investigime, apo për të hyrë në diskutime të rrethanave të tjera e ka gjykuar këtë gjë që kështu është më mirë dhe ky vullnet është respektuar”.
/syri.net
ma.me
