Ambasadori rus në Shqipëri, Aleksandër Karpushin ka nderuar me nje medalje perkujtimore nje grua ruse, qe la Shen Peterburgun dhe ndertoi familjen e saj ne Patos.
Ambasada ruse ne Tirane njofton se ambasadaori i dorëzoi zonjes Gallina Nikollaevna Shahinaj një medalje përkujtimore “Për 75-vjetorin e çlirimit të Leningradit nga rrethimi fashist”.
Gallina Nikollaevna Shahinaj, apo sic njihet ne Patos, Gala, ka lindur në Shën-Peterburg dhe i mbijetoi rrethimit më të tmerrshëm në historinë botërore.
Pas luftës, kur marrëdhëniet midis Shqipërisë dhe Bashkimit Sovjetik ishin në lulëzim, zonja Gala (siç e quajnë ish-nxënësit) u martua me një shqiptar, kolonelin Hasbi Shahinaj dhe u transferua në qytetin e Patosit, ku prej shumë vitesh ka punuar si mesuese.
Pak kohë më parë, në qershor të këtij viti, ajo mbushi 85 vjet. Për këtë arsye nxënësit e saj në bashkëpunim me Bashkinë e Patosit organizuan një ceremoni të veçantë dhe jashtëzakonisht të ngrohtë.
