Vetëm pak minuta pasi ish-kryeminsitri Sali Berisha sulmoi kryeministrin aktual Edi Rama, për dekorimin e torturuesit të At Zef Pllumit, hetuesin e diktaturës Shyqyri Çoku, ka ardhur edhe reagimi i kreut të mazhorancës.
Në një postim në Facebook, Rama bën publike një listë me emrat e veteranëve të Shkodrës e periudhës 1994-1995, kohë kur Berisha ishte president.
Në listë duket edhe emri i Shyqyri Çokut.
Ja postimi i plotë i Ramës në Facebook dhe Fotot
“Ja prova se në vitet 1994 – 1995, Sali Berisha e futi torturuesin e At Zef Pllumit dhe Sami Repishtit në listën e veteranëve të Kategorisë së Parë. Në bazë të kësaj liste torturuesi në fjalë, të cilin kryeakuzatori kryefalsifikator orvatet ta përdorë për të nxitur urrejtjen e të verbërve që i shkojnë ende pas, ka gëzuar prej marsit të vitit 1995 një pension të veçantë dhe çdo nderim të bërë nga Ministria e Mbrojtjes. E cila, nga ana e vet, nuk ka pasur asnjëherë detyrën të hetojë përbërjen e kësaj liste, ashtu sikundër nuk ka pasur dhe nuk ka asnjë kompetencë ligjore për të shtuar ose hequr njeri prej listës. Kjo është edhe arsyeja pse qeveria po përgatit një ndërhyrje në Ligjin e vitit 1994 për Statusin e Veteranit, në mënyrë që askush më tej të mos bjerë viktimë e këtij qorrsokaku, të ndërtuar nën kujdesin e veçantë të Sali Berishës si President i Republikës së Shqipërisë”, shkruan Rama.
