Vitin që vjen, QKR parashikon shtim të shërbimeve të reja për bizneset.
Burime të saj bëjnë të ditur se në vitin 2016 në bashkëpunim me Bankën Botërore do të nisë zbatimin e një projekti që ka të bëjë me plotësimin e pasqyrave financiare direkt në sistem, në portalin e QKR-së.
Përmes këtij projekti, biznesi do të ketë mundësi që të plotësojë direkt formatin e bilancit si dhe do të shërbejë si burim statistikash, ndërsa do të vijojë dhe hedhja e informacionit në formatin PDF.
Nga fillimviti QKR po zbaton platformën e regjistrimit fillestar online, ndërsa ka nevojë përmirësimi i saj për shkak të fluksit masiv në përdorim.
Gjithashtu në QKR po punohet dhe për një projekt tjetër që lidhet me depozitimin online të gjithë vendimeve që vijnë nga zyrat e përmbarimit, gjykatat, në mënyrë që të jenë pjesë e Regjistrit Kombëtar, c’ka pritet të shkurtojë kohën dhe koston e punës edhe brenda institucionit.
