Kandidati Republikan për President në SHBA, Donald Trump ka shkaktuar mjaft debat me deklaratën e tij të papritur për rivalen në garë për Shtëpinë e Bardhë.
Trump duke folur në një tubim elektoral, tha se nëse Hillary Clinton zgjidhet Presidente e SHBA-ve asgjë përveç armës nuk e ndalon në heqjen e ligjit për armëmbajtje.
Pas deklaratës, Shërbimi Sekret ka folur me ekipin e fushatës së Trump mbi deklaratën që shkaktoi debat, ku sugjeronte vrasjen e Clinton.
CNN raporton se zyrtarët nga agjencia që është përgjegjëse për sigurinë e Presidentit, ka takuar ekipin e Trump.
Trump u shpreh në fjalën e tij, se e vetmja mënyrë për të ndaluar Clinon nga emërimi i gjyqtarëve liberalë në Gjykatën Supreme është vrasja e saj.
“Hillary kërkon të heqë ligjin, sidomos Amendamentin e Dytë”, tha Trump duke iu referuar ligjit për të drejtën e armëve. “Nëse ajo zgjedh gjyqtarët e saj, nuk mund të bëni asgjë. Ndoshta, vetëm njerëzit e Amendamentit të Dutë mund të bëjnë diçka”.
Trump ka mohuar me forcë se deklarata e tij ishte kërcënim për Clinton dhe ka thënë për Fox News se ai ishte viktimë e medias.
