Minsitria e jashtme ka reaguar në lidhje me deklaratat e Minsitrisë jashtme greke për prishjen e banesave të disa minoritarëve në Himarë.
Në deklaratën e shëprndarë për mediat, MPJ bën me dije se ka thirrur për sqarime ambasadorin grek në vendin tonë.
Një deklaratë dhe qëndrim i habitshëm është cilësuar ai i autoriteteve greke për këtë çështje që bie në kundërshtim me parimet e shtetit të së drejtës.
Ja deklarata e plotë e zëdhënësit të MPJ Glevin Dervishi:
Në vijim të interesimit të medias mbi deklaratën e fundit të MPJ greke për Himarën, zëdhënësi i Ministrisë së Punëve të Jashtme, Glevin Dervishi sqaron:
Është rasti të themi se habia pason habinë kur bëhet fjalë për qëndrimet e MPJ greke. Tonet kërcënuese të deklaratës dhe njohja e cekët e situatës dhe rrethanave, nuk mund të mirëkuptohen në Europën e sotme, përveçse si një mesazh i destinuar për konsum të brendshëm.
Shqipëria nuk bën dallime në respektimin e parimeve të shtetit të së drejtës.
Proçedurat ligjore të ndjekura nga Bashkia Himarë, që kanë në fokus shndërrimin e qytetit të Himarës në një destinacion turistik europian, janë transparente dhe në përputhje me legjislacionin në fuqi.
Deklaratat e përseritura të MPJ greke dhe gjuha anakronike për Himarën janë të papranueshme dhe në kundërshtim me parimet themelore të shtetit të së drejtës. Parime të cilat orientojnë veprimtarinë e institucioneve të shtetit shqiptar.
Bazuar në sa më siper e në pajtim me praktikat diplomatike, Ministria e Puneve të Jashtme ka thirrur për sqarime Ambasadoren e Greqise ne Tirane duke shprehur qëndrimin e mësipërm.
/a.m.
