Ish ministri i Drejtësisë Nasip Naco nxjerr padashur bllof prokurorinë por dhe veten lidhur me kërkesën për heqjen e imunitetit dhe arrestimin e deputetit Saimir Tahiri.
Naco i LSI, ka cituar sot në media një argument tepër të fortë, që vjen nga Komisioni i Venecias, lidhur me heqjen e imunitetit të deputetëve.
“Në një raport të nxjerrë në Maj të 2014 nga Komisioni i Venecias, deputetit duhet t’i hiqet imuniteti për çfarëdo akuzë vecse kur ka interferencë politike, kur ka sulme, qendrime te theksuara politike, kur cështja eshte vetëm politike. Në këtë rast duhet të mbrohet për shkak të luftës politike që bëhet.”- është shprehur Naço duke shtuar se duhet t’i qëndrohet strikt kushtetutës dhe rekomandimit të Venecias shykruan Lexo.al. Por, duke e ditur që është kështu, pse Naço tha se LSI do votonte për arrestimin e Tahirit në Kuvend?
Naco, me 15 vite eksperiencë në fushën e drejtësisë, duket se i ka dhënë një goditje të paparashikuar kërkesës së pabazuar në fakte të prokurorisë për heqjen e imunitetit dhe arrestimit dhe qëndrimit të LSI-së.
Kujtojmë se prokuroria nuk paraqiti në Këshillin e mandateve asnjë provë që fakton përfshirjen e drejtpërdrejtë të Tahirit në trafik ndërkombëtar, cështje kjo me interferencën më të madhe politike.
Ndërsa Tahiri është vënë në qendër të sulmeve politike, të pafaktuara edhe këto nga PD e LSI, mediat vijojnë të tregojnë lidhjet e tre prokurorëve të cështjes Tahiri, me ish kryeministrin Berisha dhe djalin e tij.
