Zëvendëskryeministrja serbe, Zorana Mihajlloviç pret nga politikanët serbë të mos përdorin serbët e Kosovës në fushatat e tyre dhe të kontribuojnë në qetësimin e tensioneve.
Ajo ka kritikuar ashpër presidentin, Tomisllav Nikoliç i cili po e akuzon qeverinë se pse nuk po kërkojnë kthimin e trupave serbe në Kosovë.
“Unë jam e bindur se presidenti e dinë shumë mirë se trupat tonë nuk mund të hyjnë në Kosovë. Qeveria e Serbisë është duke bërë gjithçka për të ruajtur paqen dhe stabilitetin, ajo do të bëjë gjithçka për të ruajtur sigurinë e qytetarëve të saj në Kosovë dhe për ta parandaluar ndonjë konflikt të mundshëm. Unë jam e bindur se për këtë është në dijeni edhe presidenti Tomislav Nikoliç”, ka thënë Mihajlloviç.
Ajo theksoi se të gjithë politikanë në Serbi, veçanërisht zyrtarët më të lartë të shtetit, presin që provokimet të vijnë nga politikanët shqiptarë në Kosovë e më pas t’i përgjigjen me mençuri. /a.m.
