Presidenti i Komisionit Evropian Jean-Claude Juncker deklaron se nuk është dakord që Ballkani të anëtarësohet shpejt në BE, por nëse largohet perspektiva evropiane, atëherë do të përjetojmë përsëri atë që përjetuam në vitet 1990.
Juncker thekson se çelësi i stabilitetit të rajonit të Ballkanit është një BE e bashkuar dhe e fortë, ndërsa shtoi se i ka kërkuar Presidentit të SHBA, që të mos nxisë vendet e BE që të ndjekin shembullin e Britanisë për t’u larguar nga unioni.
“Nëse BE copëtohet, siç ka thënë Trump, Ballkani Perëndimor do të humbiste perspektivën evropiane.
Nuk jam në favor të Ballkanit Perëndimor për t’u bashkuar shpejt me BE. Por nëse ju largoni perspektivën evropiane, atëherë do të përjetojmë përsëri atë që përjetuam në vitet 1990.
Në këtë drejtim, stabiliteti i përbërjes së Bashkimit Evropian është një parakusht për Ballkanin që të mos jetë përsëri në luftë. Unë shpresoj që Trump ta kuptojë këtë” tha Juncker.
Edhe pse thotë Unioni ndihet në gjendje të mirë dhe i aftë për të përballuar çdo problem që i del përpara, Junker pranon se Evropa ballafaqohet me probleme, duke përfshirë Poloninë dhe Hungarinë, të cilët kanë refuzuar të pranojnë refugjatët nën skemën e zhvendosjes së BE. Ai ishte më i ashpër me Varshavës, duke thënë se do të jetë më e vetmuar se Budapesti pas Brexit.
Divorcin e Britanisë së Madhe nga Unioni, Junker e konsideron ‘dhimbje koke’. Sa I përket idesë se Brexit mund të anulohet ne rast se negociatat dështojnë, Junker përgjigjet prerë: “Brexit do të ndodhë dhe për këtë punon Komisioni. Unë nuk shkoj aq larg sa Kryeministri maltez Joseph Muscat i cili nuk ka përjashtuar një anulim të Brexit, filozofia ime e punës është finalizimi i Brexit”, shprehet ai.
Në fund Trump tregoi edhe listën e librave qe do të lexonte për pushime, në të cilën përfshihej shkrimtari turk Orhan Pamuk dhe një triller mbi Trump, Klinton dhe Bush.
a.ç
