Ditën e sotme kryedemokrati Lulzim Basha ka zhvilluar një takim me studentët për qeverisjen e mirë, siç e kanë quajtur, takim i cili është braktisur nga ish-zv.ministri i Arsimit Taulant Muka.
Muka shkruan se ka shkuar ditën e sotme në takimin e thirrur për studentët, por është detyruar të largohet më pas sepse Dekani i Universitetit Bujqësor të Kamzës e ka kthyer takimin në forum politik, duke i bërë kritika qeverisë ndërsa ka përkëdhelur siç shkruan ai Lulzim Bashën si kryeministrin e ardhshëm.
“Shkoj në një takim i thirrur për studentët, dhe ndërkohë u kthye në një forum politik! Dekani i Universitetit Bujqësor i bën kritika qeverisë aktuale dhe përkëdhel kryetarin e PD si kryeministri i ardhshëm që do ofrojë zgjidhjen (askush nuk e dinte që do ishte në takim)!
Normal që u largova në shenjë proteste! Tani kuptoj pse salla ishte plotë! Mjerë studentët që vetëm përdoren nga politika, majtas dhe djathtas!”, ka shkruar studiuesi në Facebook.
/b.d
