Kurrë nuk jam gjunjëzuar para trendit të botoksit dhe operacioneve plastike. Duhet ta pranoni faktin se lëkura ju ndryshon dhe duhet të jeni të lumtur për këtë. Monica Bellucci është dëshmia e gjallë se një femër edhe përkundër kalimit të viteve, nuk duhet domosdo të humbë edhe pamjen tërheqëse. Ajo insiston se nuk është aspak përkrahëse e dietave dhe operimeve plastike dhe insiston të ketë pamjen tërësisht natyrale. “Kurrë nuk jam gjunjëzuar para trendit të botoksit dhe operacioneve plastike, shkruan gazeta “Zëri”.
Duhet ta pranoni faktin se lëkura ju ndryshon dhe duhet të jeni të lumtur për këtë”, ka deklaruar aktorja italiane, e cila tashmë ka mbushur të pesëdhjetat. Ajo jep edhe këshilla se si mund të dukeni bukur me pak mund. Ajo ka zbuluar se flokët i pastron vetëm dy herë në javë dhe nuk përdor tharëse flokësh për të “hekurosur” flokët e dëmtuara.
Sa i përket këshillave për grimin, ajo insiston në rregullin “sa më pak aq më mirë” dhe e pranon se kurrë nuk ka mbajtur dietë. “I konsumoj të gjitha ushqimet e mundshme, por vetëm kontrolloj madhësinë e porcioneve dhe pi shumë ujë. Kurrë në jetën time nuk kam mbajtur ndonjë dietë. Sa herë që mundem merrem me not dhe jogë. Dhe i adhuroj larjet e gjata dhe relaksuese në vaskë”, ka deklaruar Monica, duke sugjeruar që femrat të shmangin dietat dhe ndërhyrjet kirurgjike.
