Nga fshati Samtic në Kutalli të Urës Vajgurore, Blendi Klosi nisi turin “Bashkëqeverisja me njerëzit për Shqipërinë që duam”.
Subvencionet, kanalizimet apo qendrat urbane në fshat ishin disa nga kërkesat e banorëve të kësaj zone.
Gjatë bashkëbisedimit me qytetarët, Klosi nënvizoi ky mandat i qeverisë do ti dedikohet investimeve në fshat.
“Më 25 qershor ne morëm një votë kuqezi për të vazhduar të qeverisnim Shqipërinë dhe për ta çuar atë në një Shqipëri Europiane. Mesazhi ishte shumë i qartë. Nuk mund të kemi një Shqipëri Europiane nëse nuk kemi një fshat ku puna vlerësohet, ku produkti shitet, ku subvencionohet fermeri, ku trajtohen problematikat e njerëzve në nevojë, ku paguhen shumë më mirë njerëzit që punojnë. Prandaj mandati ynë i dytë do jetë dedikuar komplet fshatit për të pasur një fshat të emancipuar, të kemi mundësinë që rrugët e serave, rrugët ku kalon prodhimi ynë të jenë përfundimisht të shtruara. Prandaj ne do të kërkojmë vazhdimisht të bisedojmë më çdo njërin nga ju, me çdo fermer me çdo bujk, me çdo nënë, me çdo vajzë të kësaj zonë. Ne duhet të jemi përçues të mendimeve, ndjesive, të çdo problematike të ngritur nga ju. Prandaj në katër vitet e ardhshme ne do të punojmë çdo ditë në shërbim të interesave qytetarëve”, tha ai.
Sipas Klosit, kërkesat e qytetarëve do të jenë prioritetet e qeverisjes në këtë mandat të Partisë Socialiste. /b.d