Një person ka mbetur i plagosur mbrëmjen e djeshme si pasojë e një sherri të ndodhur në një kioskë.
Sipas informacioneve paraprake, bëhet me dije se ngjarja ka ndodhur në fshatin Bujan të Tropojës, rreth orës 22:00, në një kioskë të hapur jashtë rregullave të përcaktuara nga qeveria për parandalimin e përhapjes së koronavirusit.
Policia ka shkuar në vendngjarje dhe po punon për zbardhjen e plotë të saj, ndërsa është plagosur dhe ndodhet në gjendje të rëndë në spital shtetasi me inicialet S.M.
Deri tani Policia ka shoqëruar 3 persona, të dyshuar kryesor për plagosjen e 35 vjeçarit.
/a.r
