Plas në radhët e PD për zgjedhjet në Himarë. Berisha dhe Vangjel Dule caktuan si kandidat për zgjedhjet e 4 gushtit Petro Gjikurinë, por dega e PD në Himarë ka dalë kundër.
Kryetarja e kësaj dege Afrovita Dhimojani ka reaguar në rrjetet sociale, duke shprehur pakënaqësinë e saj. Ajo shprehet se dega e PD në Himarë nuk është pyetur fare për kandidaturën e Petro Gjikurisë.
“Nuk është e drejtë që lufta dhe angazhimi i PD Dega Himarë prej më shumë se një viti intesiv, të shpërfillet pa u konsideruar, duke luajtur me Himarën dhe fatin e saj. Konsesusi politik për të diskutuar me bazën kandidaturat potenciale është e vetmja rrugë për të vendosur në vend padrejtësinë e votës Himariote, që u mohua më Datën 14 Maj”, shkruan ajo
Postimi i Afrovita Dhimojani:
Të dashur Himariot dhe Himariote!
Ditën e sotme u zyrtarizua kandidatura e Koalicionit BF, z.Petro Gjikuria për zgjedhjet e pjesshme të 4 Gushtit.
Si drejtuese e PD Himarë, u informova si te gjithë qytetarët nga mediat për këtë vendimarrje politike.
Ndjej detyrimin dhe angazhimin për të sjell në vëmendje se ne si degë, nuk jemi informuar e as konsultuar përsa i përket kandidaturës, por jemi vendosur para faktit publik.
Nuk është e drejtë që lufta dhe angazhimi i PD Dega Himarë prej më shumë se një viti intesiv, të shpërfillet pa u konsideruar, duke luajtur me Himarën dhe fatin e saj.
Konsesusi politik për të diskutuar me bazën kandidaturat potenciale është e vetmja rrugë për të vendosur në vend padrejtësinë e votës Himarjote, që u mohua më Datën 14 Maj!
Duke mos e njohur, nuk dua të paragjykoj kandidaturën e zyrtarizuar si një alternativë për më të mirën e Himarës, jemi besimplotë për fitoren e Datës 4 Gusht.
Himara meriton vërtetësi!
Kryetare e Partisë Demokratike Dega Himarë.
