Kryetarja e Komitetit Kombëtar Demokratik, Debbie Wasserman Schultz është duke dhënë dorëheqje nga ky post në prag të konventës së demokratëve, pasi Wikileaks publikoi rreth 20 mijë e-maile të partisë që sugjerojnë se punohej aktivisht në diskreditimin e senatorit nga Vermonti, Bernie Sanders, transmeton KTV.
Në njoftimin e saj, Schultz tha se dorëheqje do të japë në fund të konventës, e cila fillon në Philadelphia.
Paraprakisht vet Sanders kishte kërkuar që Schultz të japë dorëheqje. Pas publikimit të postës elektronike Sanders kishte thënë se komentet lidhur me të nuk e habisin ngase Komiteti e përkrah Hillary Clinton dhe ishte kundër fushatës së tij.
Lidhur me këtë foli edhe presidenti Obama duke e falënderuar Schultzin për punën e saj në krye të Komitetit. Gjatë konventës së demokratëve, atë do ta zëvendësojë anëtarja e Dhomës së Përfaqësuesve nga Ohio, Marsha Faj. E në konventë, HIllary Clitnon do të marrë zyrtarisht nominimin për kandidate për presidente. (b.an)
