Debatin mes PS dhe LSI për arsimin, ministrja e Lindita Nikolla e shikon si një klimë të mirë bashkëpunimi. Në një intervistë për Ora News Nikolla tha se nuk janë anashkaluar kritikat.
“Nuk ka as hedhje poshtë shqetësimi dhe nuk ka asnjë lloj dëshire për ta anashkaluar kritikat dhe situatat që vlejnë për të pasur një standard të ri. Është një klimë bashkëpunimi dhe dëshirë për të bërë më të mirën për maturantët”, deklaroi Nikolla.
Sipas Nikolles ministrat shkojnë dhe vijnë, por me rëndësi mbetet cilësia në shkolla.
“Ministrat shkojnë e vijnë, deputetët shkojnë e vijnë, partitë rriten fitojnë dhe humbin zgjedhjet, por ajo që është e rëndësishme është që cilësia dhe shkolla është aty është një pasur publike dhe maturantët duhet të ndihen të qetë dhe të qartë për të vijuar zgjedhjen e tyre që është një zgjedhje me shumë rëndësi në vijimësi të karrierës së tyre profesionale”, deklaroi ministrja.
Nikolla u shpreh gjithashtu se nuk do të ketë rritje të tarifës maksimale të studimit.
“Ligji i ri i arsimit të lartë përcakton që është qeveria ajo që përcakton tarifën maksimale. Ne do të vendosim tarifat maksimale që janë në fuqi, pra nuk do të ketë rritje të tarifës maksimale. Nuk kemi asnjë rritje të tarifave të studimit. Nga 2009-2013 kemi rritje të tarifave të studimit. Ajo është rritue me 20%.”, tha Nikolla.
a.ç
