Debatet kanë shoqëruar mbledhjen e sotme të Komisionit Qendror të Zgjedhjeve gjatë shqyrtimit të kërkesës së Lëvizjes Socialiste për Integrim për pavlefshmëri të disa qendrave të votimit në Bashkinë e Vorës.
Debati është zhvilluar ndërmjet anëtarit të KQZ-së, Denar Biba dhe Ylli Manjanit të LSI-së. Sipas këtij të fundit në Bashkinë Vorë ka pasur 600 votues fiktivë që kanë votuar për kandidatin e PD-së, Fiqiri Ismaili.
Por në përgjigjen e tij Biba ka ironizuar duke u shprehur se zgjedhësit fiktivë mund të kenë votuar edhe për Kim Kardashian.Në fakt Biba mund të ketë të drejtë pasi në një nga fletët e votimit, njëri prej votuesve kishte zgjedhur për kryebashkiake Kim Kardashian.
Rezultati final i zgjedhjeve në Vorë ishte 254 vota plu për Ismalin.
Debati në KQZ
Ylli Manjani: Zgjedhjet në Bashkinë e Vorës ishin të lira, por nuk ishin të ndershme. Kryetarin e Bashkisë së Vorës e zgjodhën disa jabanxhinj elektoral.
Denar Biba: Si e vërtetoni ju që këta zgjedhës kanë votuar për kandidatin e PD dhe jo për Kim Kardashian apo nuk e kanë hedhur të bardhë?
Ylli Manjani: Ne kemi rritje në Vorë, por jo nga kjo kategori, këta janë të Fiqos.
