Autori i plagosjes së një shqiptari është vënë në pranga në Foggia. Bëhet fjalë për një italian 55-vjeçar, i cili të shtunën goditi me thikë në fyt 38-vjeçarin shqiptar, i cili në Itali punonte si murator.
Ngjarja ndodhi përpara një lokali në Ravenna. Pas ngjarjes, autori u arratis në këmbë dhe më pas përdori një makinë. U deshën 2 ditë që të identifikohej se kush ishte dhe të vihej në pranga për tentativë vrasje dhe posedim të armëve të ftohta.
Nga ana tjetër, 38-vjeçari shqiptar ndodhet në spital në gjendje të rëndë shëndetësore. Ai i është nënshtruar një operacioni shumë delikat.
Sipas asaj që njoftojnë mediat duke iu referuar dëshmive, gjakrat mes të dyve janë nxehur pasi po flisnin për politikë. 38-vjeçari shqiptar e ka goditur me shuplakë italianin dhe ky i fundit ka reaguar duke nxjerrë thikën e duke e therur në fyt.
Megjithatë po vijojnë hetimet për të zbuluar shkaqet dhe rrethanat e sakta të kësaj ngjarje./tvklan.al
