Pas vendimit personal të kreut të PD, Lulzim Basha për përjashtimin e ish kryeministrit Sali Berisha nga grupi parlamentar, lideri historik i PD, ka nisur takimet në bazë ku ka zhvilluar disa Foltore.
Anëtari i kryesisë së Partisë Demokratike Kreshnik Çollaku, përmes një postimi ka komentuar situatën në PD ku shkruan: “Nëse ngatërrohen babë e bir, po katundi çfarë faji ka?”
Por ish kreu i FRPD Lisandër Hoxha, i cili ka qenë një zë kritik ndaj Bashës dhe ka mbështetur ish kryeministrin Berisha në çdo Foltore të zhvilluar deri tani ka replikuar duke thënë se demokratët do përzënë Bashën nga PD.
“Kur djali e nxjerr babën nga shtëpija, katundi e nxjerr djalin prej fisi. Kështu thotë tradita jonë zakonore”, ka shkruar Hoxha duke iu kundërpërgjigjur kështu Çollakut./m.j
