Një debat i fortë është zhvilluar sot në studion e “3D” ndërmjet për sekretarit të çështjeve ligjore të partisë, Rezart Kthupi dhe analistit Sami Neza.
Në një analizë të tijën Neza argumentoi se është e padrejtë ndarja që bëhet nga mbështetësit e z. Basha që ata janë pro amerikan dhe ata që mbështesin ish-kryeministri Sali Berisha janë të gjithë “non-grata”.
“Problemet brenda PD-së që nga shtatori 2021 ka v6ërtëtuar që nuk mund të ketë lëvizje në këtë drejtim. Është e pamundur që të shkoi vektori sa nga Rithemelimi tek partia zyrtare. Sepse 40 mijë anëtarë që ka përjashtuar Basha në verë nuk mund ti thotë në dimër kthehuni me vullnetin tuaj për të fuqizuar PD-në, se Berisha është i izoluar, kjo nuk është normale. Mënyra më e keqe që keni ju është identifikimi që bëni sikur jeni pro amerikanë.
I menjëhershëm ishte dhe reagimi i sekretarit të çështjeve ligjore të partisë, Rezart Kthupi i cili duke u referuar rasti të ish-deputetit Tom Doshi, u shpreh se ne nuk mund të pyesim Departamentin e Shtetit për provat, por qëndrimi është i pandryshuar.
“Unë nuk jam më shumë amerikan se të tjerët por nëse Departamenti i Shtetit thotë që ky person është shpallur “non grata” për korrupsion dhe minim të demokracisë, unë nuk mund ti them mi sill provat dhe të shikojmë. Është qëndrim dhe ndërton diferencë sepse ne nuk ndjekim personat “non grata”. Ne mbajmë të njëjtin standard si dhe në rastin e ish-deputetit Tom Doshi që e morëm të mirëqenie”, përfundoi ai .
/a.r
