Sali Berisha ka dënuar gjuhën e përdorur nga kryeministri Edi Rama gjatë debatit me deputetin Gazment Bardhi për çështjen e zgjedhjes së anëtarit të Gjykatës Kushtetuese.
Nga foltorja e Kuvendit, Berisha tha se Rama përdori ofendime prej ordineri, dhe nëse nuk merren masa ndaj tij, do të ketë zhvillime dramatike në Parlament.
Sipas Berishës, Rama e ka kthyer foltoren në një tualet të gojës së tij.
Berisha: Nëse këtui del kreu i juaji, dhe në shkelje të çdo etike e morali, shpërthen me një fjalor të padenjë, me një fjalor ordineri, unë të garantoj që Parlamenti do ketë zhvillime dramatike të paparashikueshme. Ju, e lejoni atë të shfryjë si ordiner ndaj deputetëve të opozitës. E kuptoj që është brutal dhe i dhunshëm në krahun e tij, në mbledhjet e qeverisë, në takimet e ngushta. Por këto të gjitha janë brenda familjes tuaj.
Kur shtrihen në opozitë, këto mund të bëhen shkak konfliktesh shumë serioze. Nëse do të drejtosh këtë parlament, duhet t’i japësh fund tolerancës ndaj një njeriu që përdor fjalorin më ordiner ndaj deputetëve, dhe e shndërron këtë foltore në tualet të gojës së tij.
Në mënuyrë të përsëritur, fjalori është i njëjtë për të gjithë. Nga fronti i tij, mund të marrin të gjithë. Por zgjidhja është t’i mbyllësh gojën një ordineri kundër opozitës. Ju po e çoni parlamentin drejt katastrofës.
/e.d
