Rezultatet e protestës së 7 korrikut dhe vijueshmëria e aksionit opozitar kanë qenë temat e nxehta të diskutimit që kanë përplasur analistin Artur Zheji me përfaqësuesit e Partisë Demokratike, Oerd Bylykbashi dhe Klevis Balliu në studion e emisionit “Open”.
Zheji i ka kërkuar Bylykbashit një axhendë ku tregohet strategjia që do të ndjekë PD për të rrëzuar qeverinë e Edi Ramës, madje duke i treguar shembullin e Sri Lankës, dhe deputeti demokrat e konfirmoi se i njëjti fat e pret edhe kryeministrin shqiptar.
DEBATI:
Bylykbashi: Është denoncimi, përplasja politike në parlament, hapja ndaj grupeve të interesit.
Vasili: A ka PD guximin të denoncojë oligarkët e Edi Ramës sot? Aferat e tyre, t’i faktojë ato?Bylykbashi: Unë përmenda atë që është afera që do rrëzonte çdo lloj qeverie.
Eni Vasili: E ka bërë LSI atë, jo ju!
Bylykbashi: E ka bërë zoti Këlliçi në komision.
Zheji: Kush i lan këto para?
Bylykbashi: Ka një tentativë për të zvogëluar atë që ndodhi më 7 korrik.
Zheji: Unë ta zvogëloj? Unë dua ta trefishoni mo.
Bylykbashi: Ndoshta jo ju por kolegë tuaj kanë dashur që të jetë më e vogël. Çfarë është thënë në studion këtu, se do të ketë edhe protesta të tjera. Pushteti është rrotacion me votë. Ne atë po ndërtojmë. Nëse më pas Edi Rama bllokon ndërtimin e rrotacionit politik ajo është gjë tjetër. Tani opozitarizmi.
Zheji: Ju e patë ça ndodhi në Sri Lanka?
Bylykbashi: Nëse vazhdon ajo i pret.
Balliu: Ajo i pret edhe këta.
Balliu: Pse ju mendoni se mbaroi në 7 korrik, kjo atje filloi.
Zheji: Ma jepni axhendën!
Bylykbashi: Pse do axhendë ti?
Zheji: Po mo se do organizim kjo.
Balliu: Rëndësi themelore ka se u vra indeferentizmi.
Zheji: Njerëzit po nuk i pickove te portofoli i vetë nuk ngrihen.
Balliu: Jo s’ka fjalime këtu, as metafora, por përdorim fakte se po merren toka për pallate. Nuk është çështja se do ikë njëri dhe do vijë tjetri ore zotëri.
/a.r
