Në këtë udhëzim parashikohet që çdo parti që kërkon të regjistrohet për të marrë pjesë në zgjedhje duhet që të mbledhë 5 mijë firma.
Por në Kodin Zgjedhor është e parashikuar që firmat për anëtarësim janë të nevojshme për partitë që në 6 muaj para regjistrimit nuk kanë deputet në Kuvendin e Shqipërisë.
Por ky parashikim në kodin zgjedhor është interpretuar në mënyra të ndryshme nga palët në KQZ. Për këtë udhëzim ka reaguar edhe deputeti Ben Blushi, i cili u shpreh se LIBRA do të bëjë të pamundurën që të garojë në zgjedhjet e qershorit.
Ky udhëzim pritet që të shkaktojë debate në mbledhjen e sotme të Komisionit Qendror të Zgjedhjeve. Po në mbledhjen e sotme KQZ pritet të miratojë regjistrimin për pjesëmarrje në zgjedhje të Partisë Agrare Ambientaliste dhe Partisë së Gjelbër./reportv/a.k
