Debatet/ Xhafaj: Këta vijnë me kasetë. Halimi: Je rritur me mësimet e Enver Hoxhës
Mbledhja e Komisionit të Ligjeve nuk ka kaluar as këtë herë pa debate. Kryetari i këtij komisioni, Fatmir Xhafaj, ka pasur replika me deputetin demokrat Eduart Halimi.
Ndërsa po diskutonin për projektligjin për eficencën e energjisë, Halimi ngriti shqetësimin e ndërprerjes së energjisë elektrike e cila sipas tij mungon nga 4 deri në 5 orë në zona të ndryshme të vendit. Ndërhyrja e kryetarit të komisionit Fatmir Xhafa se Halimi po flet për një çështje jashtë rendit të ditës, dhe se deputetët e PD vijnë në komisione pasi marrin detyrat nga PD, bëri që mes palëve të niste debati. Halimi iu drejtua Xhafës se është rritur me mësimet e Enverit.
Xhafaj: Këta vijnë këtu pasi kanë marrë detyrat e partisë dhe nuk flasin për pr/ligjin. Vijnë e bëjnë pyetjet e partisë që nuk kanë lidhje me rendin e ditës.
Halimi: Halimi: Pyetjet e partisë i ke ti, të kanë mbetur praktikat e Partisë së Punës. Fatmir, mos më trego mua detyrat e partisë, ti je rritur me mësimet e Enverit.
