Debati në parlament ka nisur me çështjen e Byrosë Kombëtare të Hetimit, e teksa kreu i grupit parlamentar të PD Paloka ka kërkuar shqyrtimin me procedurë të përshpejtuar të drafit, Ministri Brendshëm Tahiri tha se është e habitshme të dëgjosh nga PD për korrupsionin, kur ende opozita nuk ka dhënë qëndrimin e saj pë arrestimin e ish Ministrit të PD Spiro Ksera.
“Lufta kundër korrupsionit nuk është as procedurë e as veprime. Është angazhim konkret. E doni atë por cfarë qëndrimi zyrtar keni ju për Ministri tuaj të arrrestuar. Doni byro hetimi? Dilni këtu edhe jepni qëndrimin tuaj për ish drejtorin e hipotekës në Sarandë dhe që ju i shkonit në qeli? Doni Byro Kombëtare Hetimi? Jemi të angazhuar ne dhe Kryeministri që këtë ta cojmë përpara. Ekspertët e PS kanë punuar dhe ju në atë kohë thonit se Byroja është mekanizmi i Ramës për të kapur drejtësinë. Ju edhe pas vendimit të Gjykatës Kushtetuese nuk keni ardhur një herë në seanca për Byronë e Hetimit.”- tha Tahiri.
“Është e turpshme që ky vazhdon të jetë në parlament, sepse me ato që po ndodhin në vend vetëm këtë muaj, ky zotëri nuk duhej të ishte fare këtu. Ky të na thotë se kush është kjo banda me uniformë policie që bredh cep më cep dhe duket sikur zbaton porosi. Këto duhet të bëjë ky. Imagjino cfarë kryeministri kemi, na nxjerr ministrin e Brendshëm që të na flasë për Ben Blushin. Me votimet tuaja skemi punë ne, kemi punë me votimet e shqiptarëve.”- tha Paloka në kundërpërgjigje.
“Zotëri ti jepi përgjigje akuzës së prokurorit të përgjithshëm për ato dy bandat që po përleshen në durrës, sepse ti e di shumë mirë se kush janë ato bandat. Jepi përgjigje deklaratës së kryeprokurorit që bandat janë të lidhura me zyrtarë dhe prandaj si kapim dot. Për këto na jep përgjigje ti.”- tha Paloka.