Ish-kryeminsitri Sali Berisha ka reaguar për herë të parë në lidhje me debatet brenda Partisë Demokratike, ku Lulzim Basha është vënë në qendër të kritikave nga disa deputetëtë demokratë.
Në lidhje me këto zëra reagoi edhe ish kreu historik i kësaj force Sali Berisha. Ai tha se si ish-kryetar nuk do të përfshihet në këto debate.
“PD është një parti e hapur për debate… opozita për definicion është forca e lirive dhe të drejtave të njeriut, nëse devijon nga kjo shtyllë devijon nga vetja e saj. Asnjë koment se Sali Berisha është një ish kryetar, duke thënë atë që thashë s’do i lejoj vetes kurrë që unë të ndërhyj në debate të brendshme, e kufizoj veten nga cdo lloj interference që e gjykoj se qenia ime ish kryetar mund të ndikojë se përndryshe unë, s’mundem të flas”.
I pyetur nga gazetarët se pse nuk kishte debate në kohën e tij ai u përjgigj:
“Kush tha? Me tonelata kanë ndodhur, Ah ta dish ti sa kanë ndodhur në kohën time? (qesh)”
Berisha kërcënoi edhe një herë mazhorancën me atë që e quajti revolucion popullor, pa saktësuar veprimet konkrete të opozitës.
“Revolucion demokratik është zgjidhja. Revolucioni vjen atëherë kur nuk e pret”, tha Berisha.
I pyetur për gazetarët se pse zgjat debatet në parlament për çështje jashtë rendit të ditës, Berisha tha se ai nuk mund të lërë mënjanë çështje me interes të gjerë publik si rrahja e biznesmenit libanez. Berisha gjeti edhe dy fajtore për klimën e përkeqësuar për intestitorët e huaj sipas tij. Ai tha se drejtoresha e tatimeve Briseida Shehaj dhe avokatja e shtetit Alma Hicka zbatojnë porositë e Edi Ramës.
“Brisi dhe Hicka, janë dy kryendrikullat që zbatojnë porositë e Edi Ramës në kundërshtim me cdo ligj. I thotë se Besnik s’do paguajë sigurime, dhe ai nuk paguan. I thotë Hickës, nuk do mbrosh në gjyq 40 mln dollarë të Bankers, dhe nuk e mbron. I thotë Hickës nuk do mbrosh hubmjen e 40 mijë hekatërve në Lalëz. Si u bë gjyqi? Pala e interesuar nuk shkoi fare në gjyq. Si do bëhet gjyqi nëse paditësi nuk shkon në seancë? E thot prokuroria këtë, jo Sali Berisha. Pra, është ky që e përzuri biznesmenin, është Edi Rama. A ka gjë më me interes se shqiptarët se kjo? Nuk mmund të ketë”, tha Berisha./a.m.
