Debati mes Erion Braçes dhe Ben Blushit në parlament ka vijuar me akuza dhe kundërakuza në lidhje me privatizimin e ARMO-s, teksa kreu i LIBRA-s ka akuzuar qeverisjen e të majtëve për privatizin e korporatës në duart e klientit të Ramës.
Por ka reaguar deputeti socialist, i cili është shprehur se deri dje Ben Blushi shkonte në zyrën e Rezart Taçit për të marrë tollona nafte. Debati nisi me fjalën e Blushit në lidhje me ngjashmëritë sipas tij mes protestës së PD-së dhe asaj të PS në vitin 2011. Pas kësaj, Blushit i është kundërpërgjigjur Braçe.
DEBATET/
Blushi: E ke për zakon që dhe ti ke filluar ta fitosh bukën e gojës duke u përgjigjur kundër meje.
Ku ngjajnë çadrat? Tek konçensionet, pavarësisht se i thoni PPP ju. Kush e ka sot ARMO-n që nuk paguan as sigurimet shoqërore, a nuk është klient i qeverisë ai?
Vetëm këtu ndodh që të taksohet më shumë truri si dhjami.
Kam një gjëagjëzë: Un kam një mace, ta fal ty, macja kafshon taulantin… kush e ka fajin, unë ti, apo taulanti? Kush e ka fajin kur ta falin një mace.
Braçe: …E dyta, unë kam një qëndrim timin për koncensionet. Nuk kam votuar në këtë sallë asnjë koncension. Ja kam thënë dhe Sali Berishës por po ta them dhe ty.
Ti nuk di asgjë për koncensionet!
Ty të interesojnë gjëagjëzat, mua më interesojnë faktet. Psh, koncensionin e skanimit, që ti e ke votuar dy herë, që ngarkon me barrë buxhetore buxhetin dhe qytetarin… tani çohu këtu dhe më trego një koncension që ngarkon me barrë edhe buxhetin edhe qytetarin! Por ti se kupton! Nuk kam çfarë tët bëj që nuk e kupton.
Mund tëe hyjmë edhe në gjëra që nuk na pëlqejnë, por po ta them, unë nuk marrë ndonjëherë tollona nafte nga Rezart Taçi. Si kam shkuar ndonjëherë në zyrë dhe nuk i kam kërkuar asgjë. Të çohesh e të thuash që ARMO-n e ka privatizuar kjo qeveri, është e rëndë./java/a.k
