Komisioni i Çështjeve Ligjore ka zhvilluar sot një mbledhje për projekt-rezolutën për Prokurorinë e Përgjithshme.
Në këtë debat kanë marrë pjesë anëtarët e komisionit. Ata zhvilluan debate në lidhje me faktin se çfarë mund të përmirësohet në punën e Prokurorisë së Përgjithshme.
Vasilika Hysi: Në projekt-rezolutën për Prokurorinë e Përgjithshme është vënë në dukje nevoja për rritje të hetimeve pasurore, pasi janë të ulura. Është kërkuar rrija e bashkëpunimit ndërinstitucional dhe me agjecitë e huaja.
Është theksuar nevoja e hetimeve proaktive nga prokurorët për korrupsionin dhe krimit të organizuar. Detyrat janë të shumta. Veçoria e p/rezolutës është se kemi parashikuar rekomandime dhe afate, ku Prokurori i përgjithshëm duhet të sjellë raporte në Kuvend, pa pritur raportimin vjetor.
Brenda nëntorit, prokuroria duhet të sjellë raportin për luftën kundër korrupsionit. Të sjellë në Kuvend udhëzimet që nxjerr prokurori i përgjithshëm. Brenda shtatorit të sjellë një kalendar trajnimi për policinë gjyqësore. Brenda dhjetorit të raportojë për zbatimin e kodit të drejtësisë penale për të mitur.
Bashkim Fino: Sugjeroj ruajtjen e sekretit hetimor. Ndoshta duhej vënë si pikë më e rëndësishme. Ndoshta duhet rregulluar edhe me masat konkrete kur nuk garantohet sekreti. Të hetohen prokurorët kur nuk e ruajnë sekretin. Ja të shkojnë edhe ata prokurorë të përballen me hetimet penale.
Fatmir Xhafaj: Tek pjesa e rekomandimeve, çështja themelore është zbatimi, sjellja, efekshmëria e zbatimit të ndryshimeve kushtetuese për prokurorinë në funksion të luftës kundër kriminalitetit. Kemi bërë ndryshime kushtetuese dhe ligjore dhe duhet të bëjmë vlerësim se cili ka qenë impakti.
Prorkurorja e përgjithshme ka detyrimim e nxjerrjes së udhëzimeve dhe bashkëpunimin me organet përgjegjëse. Me rezolutën duhet të dërgojmë mesazhe për prokurorët.
Mbështes çështjen e sekretit hetimor. Duhet ndërhyrë, sepse u bë rregull. Kemi akuza nga vende të ndryshme për kriminalitetin shqiptar. Prokuroria duhet të reagojë, sepse nuk është vetëm çëshje e qeverisë. Duhet më tepër transparencë. Ta informojë prokuroria publikun, jo thashethemet e pazareve.
Spartak Braho: Ruajtja e sekretit hetimor ka të bëjë me suksesin e përfundimit te procesit hetimor dhe dërgimit të çështjes në gjyq. Kemi prokurorë të politizuar, që përdorin informacionet e marra nga hetimi për të goditur palën tjetër.
Vasilila Hysi: Nuk kemi pse t’i vëmë rekomandim për ruajtjen e sekretit hetimor, pasi është përcaktuar në kodin e procedurës penale ruajtja e sekretit hetimor.
g.kosovari
