Raportimi i Guvernatorit Gent Sejko sot në Kuvend ka shkaktuar debate. Gazmet Bardhi i kërkoi llogari për skandalin me mikrokreditë, por në një moment ndërhyri Erion Braçe.
Deputeti socialistë ka kërkuar të zhvillohet seanca në përputhje me kushtetutën dhe mos të kthehej në një proces hetimor. Braçe tha se kush ka konflikt interesi jo me BSH-në por me faktorë të tjetër duhet të dalë jashtë nga kjo sallë, duke ju referuar Bardhit.
“Kam një pyetje, ka kohë për paraqitjen e pyetjeve apo është palimit koha? Në qoftë se unë kam pyetje që shkojnë dhe një orë unë mund t’i bëj? S’ka problem në këtë aspekt apo jo? Do të doja shumë që kjo seancë të zhvillohej në përputhje me Kushtetutën e Republikës së Shqipërisë, e para dhe e dyta në përputhje me rregulloren e Kuvendit. Po sjell te Kushtetuta për të sjell në vëmendje parimin e qartë të prezumimit të pafajësisë dhe për të sjellë në vëmendje se prokuroria edhe në një proces të qartë gjyqësor është palë, nuk është thelbi i së vërtetës. Në këtë pikë do të doja që kjo seancë të mos kthehej në një proces hetimor. Po ju kujtoj se në respekt të rregullores është thjeshtë seancë e raportimit të Guveratorit para Parlamentit dhe ka një procedurë të qartë të shkruar në rregullore për këtë. E treta që kam, kërkova që kjo seancë të zhvillohet në përputhje me rregulloren dhe kodin e etikës, cilido që në këtë sallë është në konflikt interesi, jo me Bankën e Shqipërisë, por me faktorë të tjerë jashtë kësaj salle, kokretisht me një bandë përmbaruesish që në një akt tjetër, përpara një prokurori tjetër është përpara përgjegjësisë sot që flasim, të dali jashtë nga kjo sallë dhe të mos i marrë kohë deputetëve. Injorantët janë të identifikueshëm lehtësisht“, tha Braçe.
Felaj: Kushdo që në mënyrë direkte apo indirekte është në konflikt interesi duhet ta vlerësoj pasi në rats të Kundër do ti heq fjalën. Në 28 qershor 2017 kur keni qenë ministër teknik njerëz të partisë suaj ju kanë akuzuar publikisht. Keni nxjerrë një vendim për të cilin njerëz të partisë suaj ju kanë akuzar publikisht. Ju kanë akuzuar se i keni shërbyer interesave të përmbaruesve privat. Janë shkrime të medias zyrtare të partisë suaj.
Bardhi: Ty të kanë akuzuar se të kanë marrë bandat… peng e s’po themi gjë. Ka dy banda banën e përmbaruesve dhe bankën e Shqipërisë, keni marrë përsipër ti mbroni të dyja bandat. Ai dokument nuk i bashkëngjitet dhe shkon në gjykatë. Nuk është provë… Do të bien edhe në dorën tonë disa dokumente… Ma ka dhënë burri jot prokuror… Më solli dosjen e Guvernatorit të Bankës.
